وەزارەتی پێشمەرگەی هەرێم ڕایدەگەیەنێت" ئەمشەو لە سنووری میحوەری (گەرمەسێر ـ كفری) تیرۆریستانی داعش پەلاماری خاڵێکی فەوجی (۱)ی لیوای (۹)ی پیادەی وەزارەتی پێشمەرگەیاندا".
وەزارەتی پێشمەرگەی حكومەتی هەرێمی کوردستان لە ڕاگەیەنراوێكدا بڵاویکردەوە، ئەمشەو كاتژمێر (٨:٠٠)ی ئێوارە تیرۆریستانی داعش پەلامارێكی ترسنۆكانەیان بۆ سەر خاڵێكی فەوجی (۱)ی لیوای (۹)ی پیادەی وەزارەتی پێشمەرگە لە سنووری میحوەری (گەرمەسێر ـ كفری) دا".
ئاماژە بەوەشدراوە: پەلامارەكە، لەلایەن هێزەكانی پێشمەرگەوە بەتوندی و خێرایی وەڵامدرایەوە و لێیان هاتنە دەست. خۆشبەختانە هیچ زیانێك بە پێشمەرگە نەگەیشتووە.
وەزارەتی پێشمەرگە ڕوونیشیكردووەتەوە: ئەمە بۆ چەندین جارە داعش، بۆشایی نێوان هێزی پێشمەرگە و سوپای عیراقی دەقۆزێتەوە بۆ پەلاماردانی هێزەكانی پێشمەرگە.
شەوی ٣٠ی مانگی ڕابردووش چەکدارانی داعش هێرشیان کردە سەر فەوجی دووی لیوای (١٠)ی وەزارەتی پێشمەرگە لە ناوچەی زرگەزراو، بەوهۆیەوە دوو پێشمەرگە شەهید بوون.