حکومەتی
هەرێمی کوردستان، پێنج ههزار ههلی كار بۆ دهرچووانی كۆلێژ و پهیمانگه كشتوكاڵی
و ڤێتێرنهرییهكان دهڕهخسێنێت.
بێگەرد
تاڵەبانی، وەزیری کشتوکاڵ و سەرچاوەکانی ئاو، باسی لەوەکرد، دەتوانین لە رێگەی پڕۆژەیاسای سەرپەرشتیارانی پڕۆژە
کشتوکاڵییەکان، لە سێکتەری کشتوکاڵی دەرفەتی کار بۆ ٥ هەزار لە دەرچووانی کۆلێژ و
پەیمانگهکانی کشتوکاڵی و ڤێتێرنەری لە هەرێمی کوردستان بڕەخسێنین.
ماڵپەڕی
فەرمی حکومەتی هەرێمی کوردستان بڵاوی کردەوە، بە سەرپەرشتی بێگەرد تاڵەبانی وەزیری کشتوکاڵ و
سەرچاوەکانی ئاو و بە ئامادەبوونی سەرۆکایەتی
پەرلەمان و وەزیری هەرێم بۆ کاروباری پەرلەمان و لیژنەی یاسایی و کشتوکاڵیی لە تەلاری
پەرلەمانی کوردستان، لە کۆبوونەوەیەکی کراوەدا، گفتوگۆیەکی چڕ ئەنجامدرا، بە مەبەستی
خوێندنەوەی دووەمی پڕۆژە یاسای سەرپەرشتیارانی پڕۆژە کشتوکاڵییەکانی هەرێمی
کوردستان.
دوای
کۆبوونەوەکەش ئاماژەی بەوەداوە دەتوانن ٥ هەزار هەلی کار بڕەخسێنن.
هەر لە گفتو گۆکەدا، باسی ئەوەشکراوە، ئەم هەنگاوە
گرنگە دەبێتە فاکتەرێکی بەهێزی پێشخستنی پڕۆژە کشتوکاڵییەکان و زەمینەسازی بۆ سوود
وەرگرتن، لە توانای دەرچووانمان و دابینکردنی دەرفەتی کار و زەمانەتی بیمەی خانەنشینی
بەپێی ئەو ناوەڕۆکەی کە لە بڕگە و ماددەکانی پڕۆژە یاساکەدا هاتووە.
ئاماژە
بەوەشکراوە، ئەم پڕۆژە یاسایە بە یەکێک لە پڕۆژە هەره گرنگ و ستراتیژیەکانی وەزارەتی
کشتوکاڵ و سەرچاوەکانی ئاو دادەنرێت، کە لە کابینەی نۆیەمی حکومەتی هەرێمی
کوردستان بەوپەڕی پەرۆشیەوە لەلایەن وەزارەتی کشتوکاڵ کاری تێدا کراوە، بە هەماهەنگی
لایەنە پەیوەندیدارەکان.