بەبڕیاری وەزیری شارەوانی ژمارەیەك لەبەڕێوەبەری
شارەوانیەكان لەپۆستەكانیان دوورخرانەوە و ژمارەیەكیشیان دەگۆڕدرێن.
ئەمڕۆ سێشەممە ١٨ی کانوونی دووەم، بەبڕیاری وەزیری شارەوانی لەسنووری پارێزگای هەولێر بەهۆی زیانی
لافاوەكانی ماوەی ڕابردوو لەشاری هەولێر و دەورووبەری هەریەكە لە سەرۆكی شارەوانیەكانی
شارەدێی (دارەتوو، قوشتەپە، كەسنەزان) لەدەشتی هەولێر لە پۆستەكانیان دوورخرانەوە،
هاوكات بەشێكی دیكەشیان دەگۆڕدرێن.
بەپێێ ئەوزانیاریانەی دەست (سپی) کەوتووە، بڕیاری
گۆڕانكاریەكان هەر شەش بەڕێوەبەرایەتیەكانی شارەوانی و بەرێوەبەرایەتییەكانی خزمەتگوزاری
پاڕكەكان لەناو شاری هەولێر دەگرێتەوە، كەبەشێكیان لەشوێنی خۆیان لادەرێن و بەشێكیشیان
دەگوازرێنەوە بۆ سنووری شارەوانیەكانی تر.
ئەمەش لە کاتێکدایە کە لەکۆتاییەکانی ساڵی
ڕابردوودا لافاو لە بەشێک لە گەڕەکەکانی شاری هەولێر دروست بوو بەهۆیەوە چەندین
زیانی ماددی و گیانی لێکەوتەوە.