شارەوانی سلێمانی داوا لە هاوڵاتیان دەكات ئەمڕۆ بەهۆی بوونی بەفرێكی زۆر لە ناو سەنتەری سلێمانی ئاستەنگی هاتووچۆ دروستبووە و هەر هاوڵاتییەكیش مەترسی لەسەر دروستبوو پەیوەندی بە ژمارە (100) بكات.
شارەوانی سلێمانی رایگەیاندووە، بەهۆی بارینی بەفرێكی زۆر لە‌ناو سەنتەری شاری سلێمانی لە‌شە‌قامە‌كان ئاستەنگی هاتووچۆ دروستبووە و تیمە‌كانی سە‌رۆكایە‌تی شارەوانی سلێمانی بە‌ردە‌وامن لە‌پاككردنە‌وە‌و ڕاماڵینی بە‌فرە‌كە، داوا لە‌هاوڵاتیان دە‌كە‌ن بۆ كاری زۆر گرنگ نە‌بێت لە‌ماڵەكانیان دە‌رنەچن، بۆئە‌وە‌ی نە‌بن بە‌ڕێگر لە‌‌چالاكی پاككردنە‌وە‌ی شە‌قامە‌كان.
هەروەها ئاماژەی بەوەداوە، لەكاتی ڕوودانی هاتووچۆ و كۆبونە‌وە‌ی ئۆتۆمبیل لە هەر شوێنێك دە‌توانن پەیوەندی بە ژمارە (100)ی سەنتەری فریاكە‌وتن بكەن تا‌كو كارمە‌ندانی هاتووچۆ و كارمە‌ندانی بە‌رگری شارستانی بەهانایانە‌وە بچن.