دەستەی ناڕەزایی مامۆستایانی زانكۆی سلێمانی لە كۆنگرەیەكی رۆژنامەوانیدا رایانگەیاند، ئێوارەی ئەمڕۆ ئەو مامۆستایەی زانكۆ كە ئەمڕۆ بە قفڵێك دەرگای زانكۆی سلێمانی داخست دەستگیركراوە و ئاماژەیان بەوەكرد، كە تائێستا لای ئەوان بێسەروشوێنە و زانیارییان لەبارەیەوە نییە و وتیان "تەنها داواكارییان دابینكردنی مووچەی مانگی سێیە كە تائێستا وەریان نەگرتووە".

دەستگیركردنی ئەو مامۆستایە لە كاتێكدایە كە هێشتا مووچەی مامۆستا و فەرمانبەرانی وەزارەتی خوێندنی باڵا لە پارێزگای سلێمانی دابەش نەكراوە.