بەڕێوەبەرایەتی
پۆلیسی دهۆک دەستگیرکردنی ئەو پیاوەی راگەیاند، کە دوێنێ دووشەممە لە قەزای
بەردەڕەش هاوسەرەکەی کوشت و بۆ شوێنێکی نادیار هەڵهات.
ئەمڕۆ سێشەممە ٢٤ی
ئادار، بەڕێوەبەرایەتی پۆلیسی دهۆک لە راگەیەندراوێکدا ئاماژەی بۆ ئەوەکرد "
دوای ئەوەی دوێنێ دووشەممە ژنێکی تەمەن ٣٠ ساڵ کە دایکی پێنج منداڵ بوو لە
قەزای بەردەڕەش لەلایەن هاوسەرەکەیەوە و کوژراو دواتر هاوسەرەکەی بۆ شوێنێکی
نادیار هەڵهات، توانرا لە ماوەی کەمتر لە ٢٤ کاتژمێر تۆمەتباری رووداوەکە لەلایەن
هێزەکانی بنکەی پۆلیسی رۆڤیاوە دەستگیربکرێت".
لە
ڕاگەیاندراوەکەدا ئەوەشهاتووە " تۆمەتبار لە لێکۆڵینەوەکاندا دانی بەوەداناوە
بەهۆی کێشەیەکی خێزانییەوە هاوسەرەکەی کوشتووە و لە ئێستاشدا پەڕاوی لێکۆڵینەوە بۆ
رووداوەکە کراوەتەوە، هەروەها لە ئێستادا تۆمەتبار راگیراوە، بەپێی بڕیاری دادوەر
و بە گوێرەی ماددەی ٤٠٦ لە یاسایی سزادانی عێراقی سزا دەدرێت".