حكومەتی هەرێم رایدەگەیەنێت" ئەنجامدانی پشكنین و چارەسەركردنی منداڵانی ئۆتیزم لە سەرجەم نەخۆشخانە حكومییەكان دەكرێتە خۆڕایی".
لە ڕاگەیەنراوێکدا فەرمانگەی میدیا و زانیاری سەر بە حكومەتی هەرێمی کوردستان ڕایگەیاند" بڕیاردرا لەسەر ئەنجامدانی پشكنین و چارەسەركردنی منداڵانی ئۆتیزم بێبەرامبەر ئەو هەنگاوەش بە لەبەرچاوگرتنی دۆخی دارایی خانەوادەكانیانە".
ئەوەشی خستەڕوو، وەزارەتی تەندروستی و كار و كاروباری كۆمەڵایەتی ڕاسپێردراون، بە هەماهەنگی كاری پێویست ئەنجام بدەن، تاوەكو گشت منداڵانی ئۆتیزم بێبەرامبەر لە خزمەتگوزارییە تەندروستییەكان سوودمەندبن.