ئەژی ئەمین لێپرسراوی ئاژانسی پاراستن و زانیاری_زانیاری کە ئێستا هەڵهاتووە
بۆ هەولێر، دەڵێت"گوێ نەدەن بەو دەنگە نەشازانەی بانگەشە بۆ داگیرکەرانی
کوردستان دەکەن.
دەقی ڕاگەیاندراوەکە بەم شێوەیە هاتووە:
داوا لە سەركردایەتی سیاسی كورد، سەرجەم لایەنە سیاسییەكانی كوردستان، نوێنەرانی
كورد لە بەغدا دەكەم لە سۆنگەی بەرژەوەندییە باڵاكانی گەلی كوردستانەوە سیاسەتەكانیان
دابڕێژنەوە و ئاڕاستەكان هەڵبژێرن نەك هەموو هیواكان بە بەرەیەكدا هەڵبواسن و
دواتریش گەلەكەمان لێی زەرەرمەند بێت.
لەكۆتاییدا داوا لە خەڵكی كوردستان دەكەم گوێ نەدەن بەو دەنگە نەشازانەی كە
بانگەشە بۆ داگیركەرانی كوردستان دەكەن و دەیانەوێت كوردستان دەستبەرداری مافە دەستوورییەكان
و بەرژەوەندییە باڵاكانی ببێت، ئەو دەنگە نەشازانە هاوشێوەی ئەو خۆفرۆشانەن كە لە
ساڵانی پێشوودا پێش سوپای داگیركەر دەكەوتن بۆ وێرانكردنی گوند و شارەكانی
كوردستان، ئێستاش ئەمانە تەواوكەری هەوڵی داگیركەرانن بۆ بچووككردنەوە و لاوازكردنی
كوردستان، بۆیە ڕێگەیان پێ مەدەن و بە زبڵدانی مێژوویان بسپێرن.
ئەژی ئەمین
لێپرسراوی ئاژانسی پاراستن و زانیاری-زانیاری
٨ی تەمووزی ٢٠٢٢