چوارچێوەی هەماهەنگی کە لەلایەن مالکی یەوە سەرۆکایەتی دەکرێت، داوا لە جەماوەرەکەی دەکات دەستبکەن بە خۆپیشاندان، ئەمەش مەترسی رووبەڕووبوونەوە هەیە لەگەڵ لایەنگرانی سەدر کە ئێستا لە مەیدانی تەحریر و ناوچەی سەوزن.
لە یەکەم هەڵوێستیدا، چوارچێوەی هەماهەنگی داوا لە جەماوەرەکەی دەکات بچنە سەر شەقام و خۆپیشاندان بکەن.
لە بارەی خۆپیشاندانەکەی ئەمڕۆوە لە بەغدا، چوارچێوەی هاوئاهەنگی دەڵێت " بە نیگەرانییەکی زۆرەوە چاودێریی ئەو رووداوانە دەکەن بە تایبەتی دەستبردن بۆ دامەزراوە دەستوورییەکان، هێرشکردنە سەر پەرلەمان، هەڕەشەی هێرشکردنە سەر دەسەڵاتی دادوەری، هێرشکردنە سەر دامەزراوە فەرمییەکان و خزمەتگوزارییە ئەمنییەکان".
چوارچێوەی هاوئاهەنگی داوای دانبەخۆداگرتن لە خۆپێشاندەران دەکات و داواش دەکات کە خۆپێشاندانەکە ئاشتییانە بێت و " دوور بێت لە هەر گرژی و هەڵچوونێک و دەشڵێت، دەبێت دامەزراوە فەرمییەکان پارێزراوبن، لەسەروو هەموویانەوە دەسەڵاتی دادوەری و وەستانەوە لە دژیان "پێشهاتێکی مەترسیدارە".