وەزیرەكەی موقتەدا سەدر، رێبەری رەوتی سەدر داوا لە خۆپیشاندەران دەكات هاوكاری هێزە ئەمنییەكان بكەن و لیژنەی خزمەتگوزاری پێك بهێنن.
ساڵح محەممەد عێراقی، وەزیری موقتەدا سەدر چەند رێنوێنییەكی بۆ خۆپێشاندەران بڵاوكردەوە و رایدەگەیەنێت "رەنگە نوێژی هەینی لە گۆڕەپانی ئاهەنگگێڕانەكەتان بكەین."
ساڵح محەممەد عێراقی، وەزیری موقتەدا سەدر رایگەیاند "خۆپێشاندەران هاوكاری هێزە ئەمنییەكان بكەن و لیژنەی خزمەتگوزاریی پێكبهێنن، خشتەی پاسەوانی دابنێن، بەڵام بەبێ چەك."
چەند رۆژێكە لایەنگرانی سەدر دژی كاندیدكردنی محەمەد شیاع سودانی، كاندیدی چوارچێوەی هەماهەنگی بۆ سەرۆك وەزیرانی عێراق دەستیان بە خۆپیشاندان كردووە و بینای پەرلەمانی عێراقیان دەستبەسەردا گرتووە.