شۆڕش ئیسماعیل، وەزیری پێشمەرگەی هەرێمی كوردستان جارێكی دیكە هەڕەشەی دەستلەكاركێشانەوە دەكات.
میران بەكر، سكرتێری رۆژنامەوانی شۆڕش ئیسماعیل، وەزیری پێشمەرگەی هەرێمی كوردستان بە (رووداو)ی راگەیاندووە "دەستوەردان و لەمپەر لەبەردەم كارەكانی وەزیری پێشمەرگە هەیە و ئەویش وێڕای نیگەرانیی رایگەیاندووە، ئەگەر دۆخەكە بەردەوام بێت، دەستلەكار دەكێشێتەوە."
هەروەها سەرچاوەیەكی ئاگاداریش لە وەزارەتی پێشمەرگەی هەرێمی كوردستان بە رووداوی راگەیاندووە "نیگەرانییەكانی شۆڕش ئیسماعیل، وەزیری پێشمەرگە نەڕەویونەتەوە و جارێكی دیكە هەڕەشەی كردووە كە دەستلەكار دەكێشێتەوە، ئەگەر پارتی و یەكێتی دەست لە كاروباری وەزارەتەكەی وەربدەن".
شۆڕش ئیسماعیل، وەزیری پێشمەرگە لە پشكی یەكێتی نیشتمانی كوردستانە و ماوەیەكیش لەمەوبەر هەڕەشەی دەستلەكاركێشانەوەی كرد.