ئەمشەو ١٩ ی تشرینی دووەم نرخی نەوت بە هەردوو جۆرەکەیەوە برنت و خاوی ئەمەریکی بە شێوەیەکی بەرچاو لە بازاڕەکانی جیهانی نەوتدا دابەزینی بەخۆوە بینی.

نرخی یەک بەرمیل نەوتی برنت لە ئێستادا بە ٨٧ دۆلار و ٧٤ سەنتە، لە دوا داخستندا بە ٨٩ دۆلار و ٧٨ سەنت بوو.

نرخی یەک بەرمیل نەوتی خاوی ئەمەریکی بە ٨٠ دۆلار و ١١ سەنتە، لە دوا داخستندا بە ٨١ دۆلار و ٦٤ سەنت بوو.

هەرچەندە ئۆپێک پلەس لە سەرەتای ئەم مانگەوە دوو ملیۆن بەرمیل نەوتی لە جاران کەمتر خستە بازاڕەوەو، پێشبینی دەکرد کە نرخی یەک بەرمیل نەوتی برنت بچێتە سەرو ١٠٠ دۆلارەوە، بەلآم بەهۆی قەیرانی ئابوری جیهانەوە و کەمی داواکاری لەسەر نەوت، نرخەکەی لە دابەزیندایە.