سکالۆنی راهێنەری ئەرجەنتین پاش بردنەوەیان ٢-١ لە ئوسترالیا باسی لە بردنەوەکە کرد لەگەڵ رووبەڕووبوونەوەی هۆڵەندا لە چارەگی کۆتایی.
سکالۆنی وتی؛" کاتێک من یاریم بۆ دیپۆرتیڤۆ لاکۆرۆنا دەکرد، ڤانگال لە بەرشەلۆنە بوو و بەڕاستی کەسایەتییەکی دیار بوو. زۆرێک هەوڵیان داوە لاسایی ئەو بکەنەوە. ڕووبەڕووبوونەوەی یەکێکە لەو شتە خۆشانەی تۆپی پێ پێت دەبەخشێت. هەوڵ دەدەین سوود لە لاوازییەکانی هۆڵەندا وەربگرین".
وتیشی؛" شانازیی بە ڕووبەڕووبوونەوەی ڕاهێنەرێکی وەک ڤانگال دەکەم".
لەسەر بردنەوەی یاریەکە وتی:" یارییەکی سەخت بوو، ئێمەیان خستە ژێر فشارێکی زۆرەوە. بە تایبەتی لە گێمی یەکەمدا تێکۆشاین، لە گێمی دووەمدا هەڵەکانمان ڕاستکردەوە و پێموایە نەدەبوو تیپەکە لە کۆتا خولەکەکاندا زیانی پێ بگات، دەرفەتی ئەوەمان بۆ ڕەخسا کە جیاوازییەکە فراوانتر بکەین، شتێکی باشە کە هەمووان تێبگەن کە زۆر قورسە. ئەمڕۆ بەرامبەر ڕکابەرێکی زۆر سەخت یاریمان کرد".
لە کۆتایدا سکالۆنی رایگەیاند:" کاتێک یارییەکە تەواو بوو و دەبینم خەڵک ئاهەنگ دەگێڕن، پێم خۆشە هەمووان بتوانن بزانن یاریزانەکە لەو ساتەدا بە چیدا تێدەپەڕێت و هەست بە چی دەکات. ئەم یاریزانانە هەست بە پەیوەندی بە خەڵک و ئەو کەسانە دەکەن کە لەگەڵ تیپەکەدان،بە یاریزانەکان دەڵێم ئەوەی دەزانن بیکەن، یاری تۆپی پێ بکەن. ئامادەن بۆ ئەم یارییە سەختانە، پێموایە فشار لە تۆپی پێدا بوونی نییە. یاریزانەکان دەزانن چی بکەن، دەزانن چۆن یاری تۆپی پێ بکەن و زۆریشیان هەیە".