بڕیارە ناوەڕاستی مانگی داهاتوو، چوار سزادراوی ناوچەی بادینان ئازاد بكرێن و لە مانی ئەیلولیش شیروان شیروانی ئازاد بكرێت.
عەلی حەمەساڵح، پەرلەمانتاری كوردستان رایەیاندووە، پاش دوو ساڵ لە زیندانیكردنیان بەشێوەی ناڕەوا، بڕیارە لە ناوەڕاستی مانی داهاتوو چوار لە چالاكوانانی بادینان (ئەیاز كەرەم، هەریوان عیسا، شڤان سەعید، گوهدار زێباری) دوای تەوابوونی وادەكەیان، ئازادبكرێن، بەڵام ئازادبوونی شیروان شیروانی دەكەوێتە مانگی ئەیلول.
ماوەی زیاتر لە دوو ساڵە ئەو پێنج چالاكوانەی ناوچەی بادینان دەستگیركراون و ساڵی رابردووش دوای تەواوبوونی سزاكەیان، ئازاد نەكران.