لەهەفتەی 33ی خولی ئینگلتەرا یانەی مانچستەرسیتی بردنەوەیەکی گەورەی دژی ئارسناڵ 4-1 بە دەستهێناو خۆی زیاتر لە بردنەوەی نازناوەکە نزیک کردەوە.
دوای یاریەکە گواردیۆلا راهێنەری مانچستەرسیتی و ئارتێتا راهێنەری ئارسناڵ باسیان لە یاریەکەی نێوانیان کرد.
سەرەتا میکێل ئارتێتا وتی:" ئەمڕۆ لە ئاستی خۆماندا نەبووین و بە تیپی باشتر دۆڕاین، زۆر قورسە. ئەمڕۆ بنەماکان بۆ ئێمە نەمابوون، ئەمڕۆ لە ئێمە باشتر بوون".
میکێل ئارتێتا وتیشی:" دەبێت هەستین و دووبارە بگەڕێینەوە دەبێت سەیری تەواوی وێنەکە بکەین، ڕکابەریی ئەم تیپە شتێکی نایاب و ناوازەیە.. کۆڵ نادەین، 5 یاری ماوە و هەر شتێک دەکرێت ڕووبدات ئەمڕۆ بەرامبەر تیپێکی ناوازە ئازارمان چەشت، کوالیتی ئاستەکان زۆر جیاواز بوو لە نێوان هەردوو تیپەکەدا".
دواتر پیپ گواردیۆلا لەسەر بردنەوەکەی دژی ئارسناڵ بە ئەنجامی 4-1 رایگەیاند:" لە خولەکی یەکەمەوە تیپەکە سەرسوڕهێنەر بوو ئێستا دەچینە ناو هەموو یارییەکانەوە و هەوڵدەدەین سەرکەوتن بەدەستبهێنین".
پیپ گواردیۆلا وتیشی:" ئێستا فولهام و لیدز یونایتد و دواتر وێستهاممان هەیە... ڕاستییەکە ئێستا ئەوەیە کە ئارسناڵ دوو خاڵ لە پێشە ئەمڕۆ هەوڵمان دا لە دوایین یاری بەرامبەر ئارسناڵ فۆڕمی خۆمان بگۆڕین، لە دوایین یاری ئارسناڵ باشتر بوون و زۆر پشتمان بە هالاند بەست بۆ تۆپی درێژ.. ئەمڕۆ هەوڵماندا زیاتر سەبرمان لەگەڵ تۆپەکەدا هەبێت.
لە،کۆتایدا پیپ گواردیۆلا وتی:" ئەم یانەیە هەموو شتێکی پێدام، لە وەرزی یەکەمدا پشتگیریان کردم و هیچ پاڵەوانێتییەکم بەدەست نەهێنا، پێشتر لیڤەرپوول پاڵی پێوە دەناین بۆ ئەوەی زیاتر بکەین و ئێستاش ئارسناڵ".