بنەماڵەى سەردەشت عوسمان رایدەگەیەنن" دەسەڵاتی کوردی کورسی دەسەڵاتەکەی لەسەر گۆڕی ئازادیخوازانی کوردستان هەڵچنیووە".
بە بۆنەی تێپەڕبوونی (١٣) ساڵ بەسەر کوژرانی رۆژنامەنوس سەردەشت عوسمان خانەوادەکەی راگەیەندراوێکیان بڵاوکردەوە و دەڵێن" دەسەڵات لە ماوەی (٣٢) ساڵدا سەلماندی کە دەسەڵاتێکی ستەمکار و مافیا و چەتەیە و بکوژ و خوێنڕێژە، کۆنەپەرست و سەرکوتگەرە، کورسی دەسەڵاتەکەی لەسەر گۆڕی ئازادیخوازانی کوردستان هەڵچنیووە".
دەشڵێن" بکوژانی سەردەشت نەیانتوانی بە تیرۆری سەردەشت پەیامەکەی بخنکێنن، تارمای سەردەشت عوسمان بووە بە کابوسێک و بەردەوام بەسەرسەری دەسەڵاتی کوردیدا دەسوڕێتەوە و لەم (١٣) ساڵەدا، هێشتا رۆژانە بەڵگەی تازە و باوەڕپێکراو لەسەر بکوژانی و چۆنیەتی کوشتنی لە جیهان و کوردستاندا بڵاودەبێتەوە".
سەردەشت عوسمان لە ساڵی (١٩٨٨) لە دایکبووە، ڕۆژنامەنووس و خوێندکاری دوا قۆناغی بەشی زمانی ئینگلیزی کۆلێژی ئاداب لە زانکۆی سەلاحەدین بوو لە ھەولێر.
ڕۆژی ٤ی ئایاری ٢٠١٠ لە بەردەم كۆلێژەكەی لە زانكۆی سەلاحەدین لە لایەن چەند کەسێکی نەناسراو رفێندرا و ڕۆژی دواتر تەرمەکەی لە شاری موسڵ بە دەست و قاچ بەستراوی دۆزرایەوە.