وەزارەتی دارایی و ئابووریی، ئەمڕۆ دەستی كرد بە دابەشكردنی موچەی مانگی پێنجی فەرمانبەران.
رۆژی پێنجشەممە وەزارەتی دارایی هەرێم لەڕاگەیەندراوێكدا بڵاویكردەوە ڕۆژی یەكشەممە ١٨ ی ٦ مووچەی مانگی پێنجی وەزارەتی تەندروستی دابەش دەكرێت.
سەبارەت بە مووچەی وەزارەتەكانی دیكەش، دوێنێ سەرچاوەیەك لەحكومەتی هەرێم بە (سپی) راگەیاند، 350 ملیار دینار كورتهێنانی مووچە هەیە و چاوەڕێی بەغدا ئەو كورتهێنانە پڕبكاتەوە تا بتوانن پێش جەژن مووچەی سەرجەم وەزارەتەكان دابەش بكەن.