(١٢) ئەندام پەرلەمانی خولی پێنجەمی پەرلەمانی كوردستان لەبارەی سزای چوار ساڵ زیندانی دیکە بۆ شێروان شێروانی ڕاگەیەندراوێکیان بڵاوکردەوە و رایدەگەیەنن" جارێكی دیكە لە بەرگی یاسادا، دەسەڵات پەنای بردەوە بەر سزادانی ئازادیخوازان".
لە بەیاننامەیەکدا بۆ رای گشتی (١٢) ئەندام پەرلەمانی خولی پێنجەمی پەرلەمانی كوردستان رایانگەیاند" بەداخەوە، جارێكی تر و لە بەرگی یاسادا، دەسەڵات پەنای بردەوەبەر سزادانی ئازادیخوازان و هەر لە زینداندا چوار ساڵی تر سزای زیندانیكردنی بەسەر شێروان شێروانی، ڕۆژنامەنووس و چالاكوانی بادیناندا، سەپاند".
دەشڵێن" پێویستە دەسەڵات و لایەنەكانی دەسەڵات لەو ڕاستیە تێبگەن كە خەڵكی كوردستان چۆك بۆ ستەمو چەوسانەوە داناداتو لەبەردەم گەندەڵی و ناعەدالەتی و شكستی حكومڕانیدا بێدەنگ نابێت، هەربۆیە لەبری بیركردنەوە لەبێدەنگكردنو گرتنو سزادانی ڕۆژنامەنوس و چالاكوانو ئازادیخوازان، پێویستە بیر لەگۆڕانكاریی ڕیشەیی لەشێوازی حكومڕانی بكەنەوە كە بۆتە هۆی لاوازكردنی هەرێمو دواخستنی هەڵبژاردن و شێواندنی ناوبانگی هەرێم لەناوخۆو دەرەوەو بێ متمانەبونی دامەزراوەكان".
لە کۆتایی بڵاوکراوەکەدا داواش لە دادگای پێداچونەوە دەکەن كە سزای شێروان شێروانی هەڵبوەشێنێتەوە و لەم دۆسیەدا دادگەری بەدیبهێنێت.
ڕۆژی پێنجشەممەی رابردوو دادگای هەولێر لەسەر دوو تۆمەت سزای چوار ساڵ زیندانی دیكەی بەسەر شێروان شێروانی ڕۆژنامەنووس و چالاکوانی بادیناندا سەپاند.
ناوەكان:
- عەلی حەمەساڵح.
- عومەر گوڵپی.
- دابان موحەممەد.
- د.شێركۆ جەودەت.
- شیرین ئەمین.
- ئەبوبەكر هەڵەدنی.
- دیاری ئەنوەر.
- سەرچنار ئەحمەد موحەممەد.
- هەڵز ئەحمەد.
- د.شایان عەسكەریی.
- د.ئیسماعیل سگیریی.
- ئاشنا عەبدوڵڵا.
ئەندامانی خولی پێنجەمی پەرلەمانی كوردستان