شەوی سێشەممە، شەوە ئاهەنگی هاوینەی شەوانەی بەردەركی سەرای سلێمانی بەهۆی تەقەكردنەوە كۆتایی پێهێنرا.
بەپێی زانیارییەكان، شەوی سێشەممە لە شەقامی بەردەركی سەراو لە نزیك ئەو شوێنەی كە شەوانی سێشەممان ئاهەنگی گۆرانی و مۆسیقای تێدا ساز دەكرێت، دوو كەس كە ئۆتۆمبێلێكی جۆری كامریان پێبووە تەقەیان لە پۆلیسی هاتوچۆ كردووە و بەو هۆیەشەوە كۆتایی بە ئاهەنگەكە هاتووە.
هەر بەپێی زانیارییەكان، ئەو پۆلیسانەی هاتووچۆ كە تەقەیان لێكراوە، ئاماژەیان بەوەكردوە كە "دوای ئەوەی داوای مۆڵەت و ساڵانەیان لە شۆفێری ئۆتۆمبێلەكە كردووە، دەمەقاڵە دروستبووەو شۆفێرو سەرنشینی ئۆتۆمبێلەكە تەقەیەكی زۆریان بەسەر پۆلیسەكاندا كردووە".