لە دوای درێژەی بایکۆتی هۆڵەکانی خوێندن
و نارەزایەتی مامۆستایان لە پارێزگای سلێمانی و بەشیک لە ئیدارە سەربەخۆکان، ئەنجومەنی
سەرتاسەری مامۆستایانی نارازی راگەیاندنێکی بڵاوکردەوە و ئاماژەی بەوەدا کە بەردەوامن لە دەربڕینی نارەزایەتی و بایکۆتی هۆڵەکانی خوێندن.
ئەنجومەنی سەرتاسەری مامۆستایانی ناڕازی راگەیاندنێکی بڵاو کردەوە و تێیدا رایگەیاند" وەکو
ئاگادارن پرسی مووچەی مووچەخۆرانی هەرێم بەهۆی بایکۆت و ناڕەزایەتیەکانی ئێوەوە گەیشتۆتە
نەتەوەیەکگرتووەکان و هەموو ناوەندە نیودەوڵەتی و عێراقیەکان و هەرێم
بۆیە لە ئێستا زۆر گرنگە هەمومان خەمخۆرانە بۆ داکۆکی لە بژێوی خۆمان و ماڵ
و منداڵمان درێژە بە ناڕەزایەتیەکان بدەین و بایکۆتی خۆرسکانەی مامۆستایان و فەرمانبەران
ببەینە قۆناغێکی ترەوە، تا ئەو کاتەی پرسی مووچە چارەسەر دەبێت".
لە بەشێکیتری راگەیاندنەکەدا ئاماژەیان بەوەدا کە بەردەوام دەبن لە دەربڕینی
نارەزایەتی و بایکۆتی هۆلەکانی خوێندن تا ئەو کاتەی پرسی مووچە چارەسەری ڕیشەیی بۆ
دەکرێت.
ئەمە لە کاتێکدایە لە رۆژی ١٣/٩/٢٠٣
لەگەڵ دەستپێکی وەرزی نوێ خوێندن لە هەرێمی کوردستان بەشێک لە مامۆستایان لە سنووری
سلێمانی و ئیدارەکانی گەرمیان و ڕاپەڕین لەدوای دواکەوتنی دابەشکردنی مووچەکانیان بایکۆتی
دەوامیان ڕاگەیاند و نەچونە هۆلەکانی خوێندن.