بەڕێوەبەرایەتی نەوت و کانزاکانی سلێمانی بڵاویکردەوە بڕیارە لە هەفتەی داهاتوو لەسەنتەری شاری سلێمانی دەست بە دابەشکردنی نەوت بکەن.
لە ڕاگەیەنراوێکدا بەرێوەبەرایەتی نەوت و کانزاکانی پارێزگای سلێمانی ئاماری دابەشکردنی نەوت لە ٩ی تەشرینی یەکەمی ٢٠٢٣ی تا ٢٣ی تەشرینی یەکەمی بڵاوکردەوە.
بەڕێوەبەرایەتی نەوت و کانزاکانی پارێزگای سلێمانی رایگەیاند" بڕی ١٢ ملیۆن و ٨٥٢ هەزار لیتری بەسەر (٦٤٢٦٠) خێزاندا، لە ناوچەکانی پێنجوێن وسەیدصادق ورانیەوماوەت وشارباژێڕ وبازیان دابەش کردووە".
باسی لەوەش کردووە کە پرۆسەی دابەشکردنی نەوت بەردەوامی هەیە و بڕیارە هەفتەی داهاتوو لەسەنتەری شاری سلێمانیش دەست بەدابەشکردنی نەوت بکرێت.
بەپێی ئامارێکی سامانە سروشتییەکانی هەرێم، هەرێمی کوردستان ساڵانە پێویستی بە (٢٦٤) ملیۆن لیتر لە نەوتی سپی هەیە.