بەڕێوەبەرایەتی پۆلیسی پارێزگای سلێمانی، بەیانی ئەمڕۆ چوارشەممە لە بڵاوکراوەیەدا رایگەیاند" دوای ئەوەی زانیاری گەیشتە دەست هێزەكانی پۆلیس كە سێ‌ تۆمەتبار بازرگانی بە جەستەی مرۆڤەوە دەكەن، هێزەكانی پۆلیس لێكۆڵینەوە و بەدواداچوونەكانیان دەستپێكرد و دوای وەرگرتنی بڕیاری دادوەر، توانرا لەلایەن مەفرەزەكانی بنكەی پۆلیسی ئەزمەڕەوە تۆمەتباران بدۆزرێنەوە و دەستگیربكرێن".

ئەوەش هاتووە" لە ئێستادا هەریەك لە تۆمەتباران (ت، م، ج) و (م، ب، ك) و (س، ك، ش) لە نەتەوەی عەرەب، بە بڕیاری دادوەر و بەپێی ماددەی دووی یاسای نەهێشتنی بازرگانیكردن بە جەستەی مرۆڤەوە ڕاگیراون و لێكۆڵینەوە لەگەڵیان بەردەوامە".