ناوەڕاستی هەفتەی داهاتوو مووچەی مانگی شوباتی فەرمانبەرانی هەرێمی کوردستان دابەش دەکرێت.
بە گوێرەی زانیارییەکانی میدیای گۆڕان سەرەتای هەفتەی داهاتوو وەزارەتی داراییی عێراق مووچەی هێزە ئەمنییەکانی هەرێمی کوردستان دەنێرێت و بەوەش مووچەی مانگی شوباتی فەرمانبەرانی هەرێم ناوەڕاستی هەفتەی داهاتوو دابەش دەکرێت.
بە پێی زانیارییەکان هەردووک سەرۆک وەزیرانی عێراق و هەرێم پەیوەندی تەلەفۆنیان ئەنجام داوە و سودانی بەڵینی بە مەسرور بارزانی داوە تەواوی مووچەی مانگی شوباتی فەرمانبەرانی هەرێم بنێرێت.
هاوکات ناردنی مووچەی هێزە ئەمنییەکانی هەرێم بۆ مانگی شوبات لەڕێی کۆدەوە دەبێت و کار بە لیست ناکرێت، بەڵام دیارنییە بۆ مووچەی مانگەکانی داهاتوو میکانیزمی ناردنی مووچە بۆ هێزە ئەمنییەکانی هەرێم چۆن دەبێت.