هێزەكانی پۆلیسی كەركوك ژمارەیەك لە ئەندامانی گروپی ئەنسارسوننەیان دەستگیركرد.

لیواجه‌مال تاهیر به‌رێوه‌به‌ری‌ پۆلیسی‌ كه‌ركوك له‌ لێدوانێكی‌ نوسراودا‌ راگه‌یاند ‌"هێزه‌كانی‌ پۆلیسی‌ كه‌ركوك توانیویانه‌ گروپێكی‌ ئه‌نسار و سوننه‌ ده‌ستگیر بكه‌ن كه‌ ژماره‌یان 13 كه‌سه‌ كە یه‌كێك له‌و ده‌ستگیر كراونه‌ به‌رپرسی‌ دارایی‌ و ته‌قینه‌وه‌كانی‌ ئه‌و گروپه‌ بووه‌".

ئه‌وه‌شی‌ خسته‌ ڕوو، ئه‌و گروپه‌ له‌ماوه‌ی‌ رابردوودا له‌نێو شاری‌ كه‌ركوك چه‌ندین كرده‌وه‌ی‌ چه‌كداریان ئه‌نجامداوه‌ و چه‌ندین هاوڵاتی‌ و پزیشكیان كوشتووه‌.

ئاماژه‌ی‌ به‌وه‌شكرد، توانیویانه‌ 190 كه‌سی‌ دیكه‌ ده‌ستگیر بكه‌ن كه‌ ناسنامه‌ی‌ ساخته‌یان پێبووه‌".