بەوتەی بەڕێوەبەری گشتی کۆمپانیای دابەشکردنی خۆراک پارەی قەرەبووی بەشە خۆراکی ھاوڵاتیان گەیشتۆتە شاری سلێمانی و هەفتەی داهاتوو دەست بەدابەشکردنی دەکەن.

شەوکەت محەمەد بەڕێوەبەری گشتی کۆمپانیای دابەشکردنی خۆراک لەسلێمانی لەلێدوانێکی تایبەتدا بەتۆڕی هەواڵی سلێمانی ڕاگەیاند: بڕی  پارەی قەرەبووی بەشە خۆراکی فەوتای چوار مانگی ھاوڵاتیان گەیشتووەتە سلێمانی و چاوەڕوان دەکرێت ھەفتەی داھاتوو بەتایبەت لەڕۆژی سێشەممە دەست بەدابەشکردنی بکرێت.

وتیشی: کۆیی ئەو پارەیەی بەدەستمان گەیشتووە پارەی بەشە خۆراکی فەوتاوی چوار مانگی ساڵی ٢٠١٤یە،  ھەریەک لەماددەکانی   شەکر و برنجەو بۆ ھەر ھاوڵاتیەکیش بڕی ١٨ھەزار دینارە بۆ مانگێک".

ئاماژەی بەوەشکرد،  بڕی ئەو پارەی کە بۆ بەشە خۆراکی فەوتاوی ھاوڵاتیان گەشتووەتە سلێمانی لەئێستادا ٣٢ ملیارو ٢٠٥ ملیۆن دینارە.