شەوی رابردوو بەرپرسێكی بزوتنەوەی ئیسلامی كوردستان لەلایەن هێزەكانی ئاسایش لە پارێزگای هەڵەبجە دەستگیركرا.

لەمبارەیەوە حاجی سەردار، بەرپرسی مەڵبەندی هەڵەبجەی بزووتنەوەی ئیسلامی کوردستان بە رووداوی راگەیاند "شەوی رابردوو مەفرەزەیەکی ئاسایش، عیسا حەسەن، ئەندامی ناوچەی یەکی بزووتنەوەی ئیسلامییان لە هەڵەبجە دەستگیر كردووە، بەڵام تاوەکو ئێستا هۆکاری دەستگیرکردنەکەی ئاشکرا نەکراوە".

وتیشی :" لەسەر هۆکاری دەستگیرکردنی عیسا حەسەن، پەیوەندیمان بە ئاسایشەوە کردووە، پێیان راگەیاندووین کە بە فەرمانی دادوەر دەستگیرکراوە و دەبێ بە فەرمانی داوەریش ئازادبکرێت".