عەلی حەمە ساڵح پەرلەمانتاری گۆڕان
ڕایگەیاند تا كۆتایی ئەم ساڵ فەرمانبەران تەنها یەك موچە بە
سیستمی پاشەكەوت وەردەگرن و هاوڵاتییانیش زستانێكی سەختى بێ موچە و نەوت و کارەبا
بەسەر دەبەن.
عەلی حەمەساڵح پەرلەمانتاری فراكسیۆنی گۆڕان لە پەرلەمانی
کوردستان لە وتارێکیدا نوسیویەتی "تا كۆتایی ساڵ فەرمانبەران و مامۆستایان
تەنها یەك چارەكە موچە وەردەگرن و رەنگە هێزی ئەمنی و پێشمەرگە دو موچە وەربگرن،
چاودێری كۆمەڵایەتی و خاوەن پێداویستی تایبەتیش تا سەرەتای ساڵی (2017) موچە
وەرناگرن".
هەروەها دەڵێت: "ساڵی داهاتو قورس دەبێت بۆ
هاوڵاتییان و فەرمانبەران، چونكە بەغدا بەمەرجێك بەشە بودجە دەنێرێت، كە هەرێم بڕی
(550) بەرمیل نەوت رادەست بكات، هەرێمیش ئەو رێككەوتنە جێبەجێ ناكات".