وتەبێژی بەرێوەبەرایەتی كارەبای سلێمانی
ڕایگەیاند پێدانی کاتژمێرەکانی کارەبا زیاد دەکات.
سیروان محەمەد وتەبێژی بەرێوەبەرایەتی
كارەبای سلێمانی بە میدیاکانی ڕاگەیاندووە "هەوڵەكانمان دەخەینەگەر بۆئەوەی
پلانی دانانی ئەو جۆزانە بە باشی بەریوەبچێت و لە رۆژێكدا زۆرترین ماڵ جۆزەی
بۆدابنرێت و هەروەها كەمترین تێچوو لە سەر هاووڵاتی بكەوێت ئەوە جگە لە دۆزینەوەی
رێگایەك تا ئەو جۆزانە نەتوانرێت فێلی تیا بكرێت".
هەروەها ڕاشیگەیاندووە " دانانی جۆزەی
20 ئەمپێری چارەسەری بنەرەتی كێشەی كارەبا ناكات بەڵام دەبێتە هۆی زیادبوونی
كاتژمێرەكانی كارەباو كێشەی فیدەرەكانی كارەباو سەرە محەویلەی گەرەكەكان
چارەسەردەكات".