رائید هێمن سلێمان بەرپرسی راگەیاندنی بەڕێوەبەرایەتیی گشتیی پۆلیسی دهۆک، بە ماڵپەڕی وشەی ڕاگەیاندووە "سابیری بیشو کارما ناوی ئافرەتەکەیە، لە وڵاتی نیپاڵەوە هاتووە و پێشتر لە دهۆک کاری کردووە، چەند رۆژێکە بێسەروشوێنە، ئێمە وەک پۆلیسی دهۆک بە دوایدا دەگەڕێین و داوا لە هاووڵاتییان دەکەین ئەگەر زانیارییان لەسەری هەیە، ئەوا پۆلیس ئاگەدار بکەوە".

هەروەها دەڵێت "بە بڕیاری دادوەری لێکۆڵینەوەی دهۆک، دەستمان کردووە بە بەدواداچوون و سۆراغکردنی ئەو ئافرەتە و ناو و وێنەیمان بڵاو کردووەتەوە، بە مەبەستی ئەوەی زانیاریی لەبارەوە بدەین بە خانەوادەکەی".

بەشێک لەو کچانەی کە لە هەرێمی کوردستان کاردەکەن خەڵکی نیپاڵن، بەڵام ئەمە جاری یەکەمە خانمێکی ئەو وڵاتە بێسەروشوێن بێت.