لەلایەن دەسەڵاتی دادوەری توركیاوە فەرمانی دەستگیركردن بۆ وتەبێژی پارتی دیموكراتی گەلان دەرچوو.
ئەمڕۆ سێشەممە 30ی ئایار دەسەڵاتی دادوەری فەرمانی دەستگیركردنی بۆ عوسمان بایدەمیر دەكرد و هێزە ئەمنییەكانی راسپارد بۆ دەستگیركردنی ناوبراو.
عوسمان بایدەمیر جگە لەوەی پەرلەمانتاری هەدەپەیە لە ئێستادا وتەبێژی هەمان پارتی سیاسیە و یەكێكە لەسیاسییە دیارەكانی باكووری كوردستان.
دەستگیركردنی ئەو پەرلەمانتارە لەكاتێكدایە، دەسەڵاتی توركیا لەمانگی 11 ساڵی رابردووەوە هەڵمەتێكی دەستگیركردنی بۆ پەرلەمانتارانی هەدەپە دەستپێكردووە و بەهۆی ئەو هەڵمەتەشەوە ماوەی چەند مانگێكە سەڵاحەدین دەمیرتاش هاوسەرۆكی پێشووی هەدەپە لە زینداندایە و هەڵمەتەكەش بەردەوامی هەیە.