سەرلەئێوارەی ئەمڕۆ هەینی لە ڕووداوێکی ھاتوچۆ لەسەر ڕێگای سلێمانی ـ وارماوا پێنج کەس گیانیان لەدەستداوە و دوو کەسی تریش برینداربوون.
ڕاگەیاندنی پۆلیسی پارێزگای سلێمانی ئاماژەی بەوە کردووە، ڕووداوەکە لە نزیک گوندی میرەدێ لە نێوان تانکەرێکی گواستنەوەی سوتەمەنی و ئۆتۆمبێلێک لە جۆری نیسان دەبڵ پیک ئاب-دا ڕوویداوە، بەهۆیەوە شۆفێر و چوار سەرنشینی ئۆتۆمبێلەکە گیانیان لەدەستداوە.
هەروەها ئاشکرایکردووە، لەلایەن مەفرەزەکانی پۆلیسەوە شۆفێری تانکەرەکە دەستگیرکراوە و پەڕاوی لێکۆڵینەوەش بۆ ڕووداوەکە کراوەتەوە.
بریندارەکانیش گەیەنراونەتە نەخۆشخانەی فریاکەوتن و تەرمی قوربانییەکانیش ڕەوانەی پزیشکی دادوەری سلێمانی کرا.
هەر ئەمڕۆ بەهۆى ڕووداوێکى تری هاتوچۆوە لەسەر ڕێگەى دەربەندیخان ـ سلێمانى دوو کەس گیانیان لەدەستدا و چوار کەسیش برینداربوون.