قائیمقامییەتی سلێمانی رایگەیاند، مانگی رابردوو دوو هەزار و 958 سەردانیان بۆ شوێنە گشتییەكان ئەنجام داوە و كۆی گشتی پارەی غەرامەكراویش 19 ملیۆن و 465 هەزار دیناربووە.
بەپێی ئامارێکی مانگانەی لیژنەهاوبەشەكانی
قائیمقامییەتی سلێمانی کە وێنەیەکی دەست "سپی"، کەوتووە، لە بەرواری 1/4 تاوەكو 1/5/2018 لیژنەكان (2.958)
سەردانیان بۆ شوێنە گشتییەكان ئەنجام داوە، لە كۆی ئەو سەردانانەشیاندا،
بەهۆی پابەندنەبوون بە مەرج و رێنماییە تەندروستی و ڤیترنەرییەكانەوە (623)
شوێن ئاگاداركراونەتەوە كە پابەندی مەرج و رێنماییەكان بن و بەهۆی
سەرپێچیشەوە (26) شوێن داخراون (210) شوێنیش سزای ماددی دراون.
لە
ئامارەكەدا هاتووە، لەماوەی یەك مانگدا بڕی (57) تۆن و شەش سەد و شەست و
چوار كیلۆگرام مەوادو خۆراكی ماوەبەسەرچوو لە ناوبراون، و كۆی گشتی پارەی
غەرامەكراویش بریتییە لە (19) ملیۆن و چوار سەدو شەست و پێنج هەزار دینار و
پێی یاسا دەخرێتەوە سەر داهاتی گشتی.
بە پێی رێنماییەكانی لیژنە هاوبەشەكان هەرشویێنێك پابەند نەبێت، سەرەتا ئاگادار دەكرێتەوە، دواتر سزای ماددی دەدرێت، و لە حاڵەتی دووبارەكردنەوەی سەرپێچیەكانیشدا رووبەرووی دادگا دەكرێنەوە.