رێژەی دەنگدانی تایبەت لە پارێزگای هەولێر ئاشکراکرا
بەڕێوەبەری پۆلیسی هەولێر رایگەیاند، چەند گرفتێک لە ئامێری دەنگدان هەبووە، بەڵام چارەسەركراوە و رێژەی دەنگدانیش لە پارێزگاکە 40%ە.
عەبدولخالق تەڵعەت، بەڕێوەبەری پۆلیسی هەولێر كە هاوكات ئەندامی لیژنەی باڵای هەڵبژاردنە لەو پارێزگایە،لە کۆنفرانسێکی رۆژنامەوانیدا رایگەیاند،"تا ئێستا هیچ كێشەیەكی ئەمنی ڕووینەداوە و لەئەگەری رودانی هەر كێشەیەكیشدا هێزێكی تایبەت ئامادەیە بۆ روبەڕوبونەوە و چارەسەرکردنی".
ئاماژەی بەوەشدا،" لە رێژەی بەشداریکردنی دەنگدەرانی تایبەت بۆ لە هەڵبژاردنی ئەنجومەنی نوێنەرانی عێراق نزیك بۆتەوە لە 40% و پرۆسەكەش بەردەوامی هەیە".
بەڕێوەبەری پۆلیسی هەولێر ئەوەشی خستەڕوو، "لە چەند بنكەیەك گرفت لە ئامێرەکانی دەنگدان هەبووە، بەڵام خۆشبەختانە چارەسەركراوە".
PM:01:08:10/05/2018