فەرماندەی ئۆپەراسیۆنەكانی بەسرە بڕیاریدا بە قەدەغەکردنی هاتوچۆ
لە كاتژمێر 3ی پاشنیوەڕۆی ئەمڕۆوە تا كاتێكی نادیار.
هۆکاری بڕیارەكەی فەرماندەیی ئۆپراسیۆنەكان، بۆ پەرەسەندنی خۆپیشاندانە ناڕەزاییەكان و ئەو شەڕو توندوتیژییە دەگەڕێتەوە، كە لەسەرەتای ئەم مانگەوە لەنێوان خۆپیشاندەران و هێزە ئەمنییەكان سەریهەڵداوە.
ئەو فەرماندەیە داواشی لە هاوڵاتیان كردووە لەگەڵ فەرمانگە ئەمنییەكانی پارێزگاكە هاوكاربن بۆ پاراستنی گیانی هەموویان و موڵكی گشتی.
ماوەی چوار ڕۆژە خۆپیاندان و ناڕەزایەتی لە بەسڕە دژی نە بوونی ئاو خراپی خزمەت گوزارییەکانی ئەو پارێزگایە بەردەوامیان هەیەو بەیانی ئەمڕۆ خۆپیشاندەران دەروازەی بەندەری ئووم قەسریان داخست.
لایخۆشییەوە كۆمسیۆنی باڵای مافەكانی مرۆڤ لە عێراق بڵاویكردەوە ، لەسەرەتای ئەم مانگەوە 9 خۆپیشاندەر كوژراون و 93 كەسی دیكەش بریندار بوون.