لە خوێندنگەیەكی شاری سلێمانی ژمارەیەك خوێندكار باری تەندروستیان تێكدەچێت و رەوانەی نەخۆشخانە دەكرێن.
لەو بارەیەوە دكتۆر سەباح هەورامی بەڕێوەبەری گشتی تەندروستی سلێمانی لە لێدوانێكی رۆژنامەوانیدا ئاشكرایكرد، بەهۆی نەمانی ئۆكسجینی پێویست لەژورێكی خوێندنگەیەكی سلێمانی 7 خوێندكار لەهۆش خۆیان چوون و لەلایەن سەنتەری فریاكەوتنی خێراوە رەوانەی نەخۆشخانەی مناڵان كراوە و هەر لەوێش چارەسەری پێویستیان بۆ كراوە و رەوانەی ماڵەوە كراونەتەوە و لەئێستادا هیچ مەترسییەك لەسەر ژیانیان نەماوە.
ئاماژەی بەوەشكردووە، هۆكارەكەیش ئەوە بووە كە ژمارەیەك منداڵ لە هۆڵی خوێندنگەكە چالاكییان ئەنجامداوە و بەهۆی پركردنەوەی میزڵدانەوە و خۆهیلاكردنیان ئۆكسجین لەژوورەكەدا نەماوە و بوەتەهۆی تێكچونی باری تەندروستی ئەو منداڵانە.
جەختیشكردەوە، بەپێی ئەوەی كە لیژنەكەمان ئاشكرایكردووە، رووداوەكە رووداوێكی سەیر بووە هۆكارەكە كەمتەرخمی نەبووە تەنها ئەوەبووە كە دەبوو دەرگای ئەو هۆڵە بەكراوەی بەجێبهێڵدرایەت.