ئەمڕۆ چوارشەممە ٦ی ئازاری ٢٠١٩، شەشەمین دیداری سلێمانی له زانكۆی ئهمریكی له عێراق، سلێمانی دەستپێدەکات، ماوەی دوو رۆژ بەردەوامدەبێت.
دیدارەکە بە بەشداری ژمارەیەک لە کەسایەتی نێوخۆی هەرێمی کوردستان و عێراقی و نێودەوڵەتی بەڕێوەدەجێت، کە تاییا گفتوگۆ دەکرێت لەبارەی ڕهوشی سیاسی عێراق و رۆژههڵاتی ناوهڕاست.
سهنتهری لیكۆڵینهوهی ههرێمی و نێودهوڵهتی له زانكۆی ئهمریكی له عێراق، سلێمانی رایگەیاند، رۆژانی 6 و 7ی ئازار شهشهمین دیداری ساڵانه لە ژێر ناونیشانی "عێراق و وڵاتانی دراوسێ، بهرهو سیستمێكی نوێی ههرێمایهتی"، بەڕێوەدەچێت و دیدارهكه سهكۆیهكی گرنگ دهبێت بۆ گفتوگۆكردن.
لە کاتژمێر 10:00ی بەیانی ئەمڕۆ چوارشەممە قوباد تاڵەبانی، جێگری سەرۆکی حکومەتی ھەرێمی کوردستان وتاری دەستپێکردنی دیدارەکە پێشکەش دەکات و دواتر دەستدەکرێت بە پانێڵەکانی دیدارەکە.
هەر لە دیدارەکەدا بهرپرسانی باڵا و پسپۆڕانی ناوداری عێراق و ناوچهكه، تاوتوێی ئهو پرسانه دەکەن، كه روبهڕوی عێراق و رۆژههڵاتی ناوهڕاست دهبنهوه، لهوانه سیستمی سیاسی عێراق، سیستمی ههرێماییهتی، كهرتی وزه، گهشهی كهرتی تایبهت و پهیوهندیدار، بنیادنانهوهی ناوچه جێناكۆكهكان، دانیشتوان و بێكاری گهنجان و پرسهكانی ئاو و ژینگه.
سهنتهریەکە ئەوەشی خستوەتەڕوو، هاوشێوهی ساڵانی رابردوو، دیداری سلێمانی بۆ ماوهی دوو ڕۆژ سیاسهتمهداران كۆدهكاتهوه، به مهبهستی ئهنجامدانی گفتوگۆی گرنگ و وروژاندنی بیرۆكهی نوێ بۆ چارهسهركردنی پرسه ههنوكهییهكانی عێراق و رۆژههڵاتی ناوهڕاست.
له ساڵانی پێشوودا، دیداری سلێمانی میوانداری كۆمهڵێك میوانی گرنگی كردووه لهوانه د. بهرههم ساڵح، سهرۆك كۆماری عیراق و د. عادل عەبدولمەهدی، سهرۆك وهزیرانی عێراق و سامر غهسبان، وهزیری وزهی عێراق و لوئهی ئهلخهتیب، وەزیری كارهبا و حەیدەر عەبادی، سهرۆك وهزیرانی پێشوی عێراق و ئوسامه نوجهیفی، جێگری سهرۆك كۆمار و ئیبراهیم جهعفهری، وهزیری دهرهوه.
لە ئاستی هەرێمی کوردستانیشدا هەریەکە لە نێچیرڤان بارزانی، سهرۆك وهزیرانی ههرێمی كوردستان و قوباد تاڵهبانی، جێگیری سهرۆك وهزیران بەشداریان تێدا کردوە.
لە ئاستی کەسایەتیەکانی دەرەوەشدا لە دیدارەکانی پێشوی سلێمانیدا هەریەکە لە عامر موسا، دهیڤید مالیباند، فرانسیس فوكویاما، ژهنهرال دهیڤید پاتریۆس و لیسیا داوسیت بهشداریان لە دیداری سلێمانیدا كردووه.