لە كۆمەڵگەی چڕەی سەر بە قەزای شێخانی پارێزگای دهۆك لە نێوان دوو بنەماڵەدا شەڕە تەقە بەهۆی كێشەی زەوی و زارەوە روویدا و چەکی قورسی تیادا بەکارهات.
هاوڵاتیانی گوندەكە لە رێگەی فەیسبووكەوە بە شێوەیەكی لایڤ و گرتە ڤیدیۆیی پچڕ بچڕ شەڕی نێوان ئەو دوو بنەماڵەیە دەگوازنەوە و داوا لەلایەنە پەیوەندیدارەكان دەكرێت بە هانایانەوە بچن.
لە گرتە ڤیدیۆكاندا، هاوڵاتیان ئاماژە بەوەدەكەن ماوەیە زیاتر لە یەك كاتژمێرە شەڕەكە بەردەوامی هەیە و تاوەكو ئێستایش لایەنە پەیوەندیدارەكان نەهاتونەتە ناوچەكە.