فەرمانگەی کارتی نیشتمانی هەولێر هاوڵاتیان لەبارەی گەڕانەوەی کارتی نیشتمانی ئاگادار دەکاتەوە و داوا دەکات لەکاتی دیاریکراودا سەردانیان بکەن.
فەرمانگەی کارتی نیشتمانی هەولێر لە ئاگاداریەکدا ڕایگەیاند کە ئەوانەی وەرگرتنەوەی كارتی نیشتمانیان 1/8/2019ـەیە ده‌توانن سه‌ردانییان بکەن بۆ وه‌رگرتنه‌وه‌ی كارتەکانیان.
لە ئاگادارییەکەدا ئەوەش هاتووە کە وەرگرتنەوەی کارتی نیشتمانی لە كاتژمێر 2ی دوای نیوەرۆ تاكو 6ی ئێوارە دەبێت.
کارتی نیشتمانی لەسەرجەم عێراق کاری پێ دەکرێت و دەبێتە جێگرەی رەگەزنامە و پێناسی باری شارستانی.