بەرپرسێکی بەڕێوەبەرایەتیی خانەنشینیی سلێمانی جەخت لەوەدەکاتەوە کە لیستی مووچەی مانگەکانی ئاب و ئەیلوولی خانەنشینان بەهاوتاکراویی ئامادەکراوە و ئەمڕۆ بۆ دارایی بەرز کراونەتەوە.
سارا حەمەنەجیب، بەڕێوەبەری ژمێریاری لە بەڕێوەبەرایەتیی خانەنشینیی سلێمانی لە لێدوانێکی رۆژناموانیدا بە میدیای یەکێتی راگەیاندووە" لیستی مووچەی مانگی ئاب و ئەیلوولی خانەنشینان بەهاوتاکراوی ئامادەکراون و ئەمڕۆ لیستەکان بۆ وەزارەتی دارایی بەرزکراونەتەوە".
وتیشی" لەلایەن وەزارەتی داراییەوە ئەمڕۆ وەک دوایین وادە دیاریکراوە بۆ ناردنی لیستەکانی مووچە لەلایەن فەرمانگە حکومییەکانەوە".
" بۆ لیستی مووچەی مانگی ئاب، هیچ گۆڕانکارییەک لە مووچەی خانەنشینان نەکراوە، بەڵام بۆ مانگی ئەیلوول ئەوانەی هەڵە لەمووچەکانیان هەبووە، پارەی کەم یان زیاتریان لەماف و شایستەیی خۆیان وەرگرتووە، زۆرینەی هەڵەکان راستکراونەتەوە".( بەڕێوەبەری ژمێریاری لە خانەنشینیی سلێمانی وای وت).