چالاکوانێکی بادینان باسی دیداری ئەمڕۆی گیراوەکانی بادینان دەکات لەگەڵ کەسوکاریانداو دەڵێت" هاوسەری یەکێک لە گیراوەکانی کە دۆخی تەندروستی هاوسەرەکەی دەبینێت، لە هۆش خۆی دەچێت".
ئەیهان سەعید چالاکوانی شیلادزێ و دەڤەری بادینان لە نووسینێکدا کە بۆ " سپی " ناردووە بە ناونیشانی "دیدارە تراژیدیەکەش دەکەنە منەت " نووسیوویەتی " ئەمرۆ ھاوسەری یەکێک لە زیندانیانی بادینان کە شێوەی ھاوسەرە زیندانیکراوەکەی بەو کێش دابەزین و خراپیەوە بینی لە ھۆش خۆی چۆ!".
ئەیهان کە برای مەلا شوان یەکێک لە گیراوەکانی بادینانەو خۆشی بۆ دوورگرتن لە دەستگیرکردنی لە سلێمانیەو ناتوانێت بچێتەوە بۆ بادینان، لە نووسینەکەیدا دەڵێت " دوای سەرەدانی سەرۆکی پەرلەمان و سەرۆکی لیژنەی ناوخۆ لە رۆژی پێنجشەممە و رێکخستنی مواجھە، کاتژمێر ١٢ی نیوەرۆی ئەمڕۆ کەسوکاری زیندانیانی بادینان سەرەدانی زیندانی یٔاسایشی ھەولێریان کرد بۆ بینینی سزادروان، یٔەوەی جێگای شانازیە گشت سزادراوانی بادینان بە یٔیرادەیەکی بەرزوەوە وتیان یٔێمە بێ تاوانین و نەک شەش ساڵ بەڵکو ٢٠ ساڵیش زیندانی بکرێین سەربەرزین چونکە لەسەر داوای مافی خەڵک و عەدالەتخوازی زیندانیکراوین".
دەربارەی مامەڵەی ئێستای ئاسیش و ڕێوشوێنی زیندان، ئەو چالاکوانە دەڵێت "ھەرچەندە بە قسەی خۆیان مامەڵەی ئاسایش لەگەڵ زیندانیان باشتر بوە، بەڵام پێویستیان بە دکتۆرە بۆ تەندروستیان و شوێنی خەوتنە کە لە ھوڵێکی ٥٠ مەتری بەپێ یٔاستی ستاندارد دەبێت ٣٠ کەسی تێدابێت کەچی ١٣٥ زیندانی تێدا بەجێ کراون، بەپێ یاسا پێویستە حوکمدراوەکان بگوازرێنەوە بۆ چاکسازی گەوران و مواجھەیان ھەبێت نەک لە ئاسایش بن و دوای ھەشت مانگ دیدارەکەیان بکەنە منەت".
لە کۆتاییدا ئەیهان سەعید دەڵێت " بەراستی نادادی و بێ وژدانییە، دەسەڵات ئەم چالاکوان و رۆژنامەنوسە بوێرو پاک و بێ تاوانانە بەو شێوەیە سزابدات و تەحەدای ھێزو سزا لەگەڵ چەند کەسێکی مەدەنی بکرێت، دەبێت پارتی لەجیاتی سزادانی خەلکی نارازی بۆ بێدەنگکردنی جاددەی بادینان بیر لە خزمەت و چاکسازی و سزادانی بەرپرسە گەندەڵەکان بکات. بەھیواین و نابێ بوەستین تا زیندانیەکان یٔازادبکرێن و بە خێزانەکانیان شاد ببنەوە".