بەیانی ئەمڕۆ یەک شەممە ٢١ ی تشرینی دووەم لە چەند شار و شارۆچکەی سنوری هەردوو پارێزگای سلێمانی و هەڵەبجە خوێندکارانی زانکۆکاکان بایکۆتی پۆلەکانی خوێندنیان کردو دەستیان بە خۆپیشاندان و گردبوونەوە کرد.

ئەم خۆپیشاندان و گردبوونەوەی خوێندکارانی زانکۆکانی پۆلەتەکنیکی سلێمانی و زانکۆی هەڵەبجەو زانکۆی گەرمیان لە پێناو خەرجکردنی دەرماڵەدایە، خوێندکارانی زانکۆکان رەخنە لە وەزارەتی خوێندنی بالآ و حکومەتی هەرێم دەکەن کە ئەو دەرماڵەیە خەرج ناکات بۆ خوێندکاران.
 
لە سلێمانی خۆپیشاندەران رێگای سەرەکی سلێمانی - تاسلوجەیان بۆ ماوەیەک گرت و دواتر هێزە ئەمنییەکان رێگاکایان پێبەردان.
لە ئێستاشدا خۆپیشاندانی خوێندکاران رێگای شەقامی مەلیک مەحمودیان گرتووە.

دەرماڵەی خوێندکاران بۆ قوتابیانی دەرەوەی شار مانگانە ١٠٠ هەزارەو، بۆ خوێندکارانی ناو شاریش ٦٠ هەزار دینارە.