دەستەی كەشناسی عێراق رایدەگەیەنێت، پێشبینی دەكرێت پلەكانی گەرما لە چەند رۆژی داهاتوو دابەزن و لەهەرێم لەناوچە شاخاوییەكان نمەباران ببارێت.
دەستەی كەشناسی عێراق لە ڕاگەیەنراوێكدا رایگەیاندووە، سبەینێ ئاسمانی هەرێم ساماڵ دەبێت و دواتر بۆ نیمچە هەور دەگۆڕێت و ئەگەری هەیە نمەباران ببارێت.
هەروەها ئاماژەی بەوەكردووە، لەناوچەكانی ناوەڕاست و باشوری وڵات ئاسمان ساماڵ دەبێت و پەڵە هەوریشی دەبێت و پلەكانی گەرماش لەسەرتاسەری وڵاتدا چەند پلەیەك بەرز دەبنەوە.
هەر بەپێی ئەو راگەیەنراوە، رۆژی پێنجشەممەش ئاسمانی وڵات هەور دەبێت و لە هەرێم و ناوچەكانی ناوەڕاستی وڵاتیش پلەكانی گەرما چەند پلەیەك نزم دەبنەوە، بەڵام لەباشور بەرز دەبنەوە.