دەزگای گشتی كەشناسی و بومەلەرزەزانی عیراق، تۆماركردنی بوومەلەرزەیەك بە گوڕی ٣.٥ پلە بەپێی پێوەری رێختەر لە باكووری ڕۆژهەڵاتی شەقڵاوە لە هەولێر رادەگەیەنێت.
بەپێی راگەیەندراوێك كە لەلایەن دەزگاكەوە بڵاوكرایەوە"بەشی بومەلەرزەزانی لە دەزگای گشتی كەشناسی و بومەلەرزەزانی، روودانی بوومەلەرزەیەكی لە رۆژی پێنجشەممە ٥ی تشرینی یەكەمی ٢٠٢٣، لە پارێزگای هەولێر تۆماركرد".
لە راگەیەندراوەكەدا هاتووە"بومەلەرزەكە كاتژمێر ١١:٣٢ی شەو بەكاتی ناوخۆ تۆماركراوە بە گوڕی ٣.٥پلە و ٥ كم لە باكووری رۆژهەڵاتی شەقڵاوەی پارێزگای هەولێرەوە دوور بووە".