وەزارەتی نەوتی عێراق کۆی هەناردە و داهاتی مانگی کانوونی دووەمی ئەمساڵی بڵاوکردەوە کە بڕی داهاتەکەی زیاتر لە ٨ ملیار و ٢٥ ملیۆن دۆلار بووە.
وەزارەتەکە لە بەیاننامەیەکدا ئەمڕۆ هەینی ٢ی شوباتی ٢٠٢٤ ڕایگەیاند" بەپێی ئامارە سەرەتاییەکان کە لە لایەن کۆمپانیای بەبازاڕکردنی نەوتی عێراقی (سۆمۆ_ دەرچووە، کۆی گشتی بڕی هەناردەکردنی نەوتی خاو بۆ مانگی ڕابردوو گەیشتە ١٠٣ ملیۆن و ٥٠٨ هەزار و ٤٣٨ دۆلار کە داهاتەکەی ٨ ملیار و ٢٥ ملیۆن ٦١٦ دۆلار بووە".
لە ئامارەکەدا ئاماژە بەوەشکراوە، کۆی بڕی هەناردەکراوی نەوتی خاو بۆ مانگی (١) لە کێڵگە نەوتییەکانی ناوەڕاست و باشووری عێراق ١٠٢ ملیۆن و ٢٥ هەزار بەرمیل بووە، هاوکات بڕی هەناردەکراو بۆ ئوردن ٤٦٤ هەزار و ٣٠٦ بەرمیل بووە، لەکاتێکدا هەناردەکردن لە گەیارە ١ ملیۆن و ١٩ هەزار و ١٣٢ بەرمیل بووە.
وەزارەتەکە ئاماژەی بەوەشکردووە، تێکڕای بڕی هەناردەکراوی ڕۆژانە ٣ ملیۆن و ٣٣٨ هەزار و ٩٨٢ بەرمیل لە ڕۆژێکدا بووە.
وەزارەتەکە لە درێژەی بەیاننامەکەیدا ئەوەشی خستەڕوو، تێکڕای نرخی هەر بەرمیلیکێش لەو مانگەدا گەیشتە ٧٧ دۆلار و ٥٣٦ سەنت.