وتیشی" ئەوە ئێمە دوو ڕۆژە هاتوینەتە بەغداد کۆبوونەوەی پەرلەمانمان هەیە بە یەک و شەش نە باسی هێرشەکە کراوە نە ئیدانەکراوە لە لایەن پەرلەمان و لیژنەی ناوخۆ و ئاسایش و بەرگری، لە کاتێکدا زیانی یەکەم لەم هێرشە بەر هاوڵاتیانی هەرێم کەوتووە بەهۆی بچڕانی کارەباوە تەنانەت کاریگەری لەسەر پارێزگای نەینەواش کرد نەک تەنها هەرێمی کوردستان، هەرە هۆکاری بێدەنگی پەرلەمانیش ئەوەیە ناوێرن چونکە دەزانن گروپی هێرشکەر کێن و سەر بەکێن، بۆیە یەکسەر پەنجەی تۆمەتیش بۆ ئێران ڕادەکێشرێت، چونکە جێبەجێکردنی ڕێککەوتننامەکە بۆ پشتبەستنی عێراق خۆی بە غازی خۆی لە کۆرۆمۆرەوە زیانمەندی یەکەم لێی ئێرانە، چونکە ساڵانە عێراق بایی چەندین ملیار دۆلار غاز لە ئێران دەکڕێت، هەر ئەوەی محەمەد شیاع سودانیش پێشتر وتی، عێراق لە مەودوا خۆی پشت بەخۆی دەبەستێت بۆ وەبەرهێنانی غازی سروشتی". 

جەختیشیکردەوە، ئەو هێرشەی کۆرۆمۆر هەروەک چۆن یەکەمجار نیە، دواجاریش نابێ، عێراق هەر ڕێککەوتنێک بکات بۆ هەناردەی ئەو غازە بە دڵنیایی دووبارە دەبێتەوە.