لەدوای کۆبوونەوەی حیزبە بەشداربووەکانی نێو پەرلەمان و حکومەت جغە لە گۆڕان، د. فواد حسێن وتی: داوا دەکەین کۆبوونەوەکەی پەرلەمان دوا بکەوێت.

د. فواد حسێن سەرۆکی دیوانی سەرۆکایەتی هەرێم لە کۆنگرەیەکی رۆژنامەگەریدا لەگەڵ نوێنەری حیزبەکاندا وتی" داوا دەکەین کۆبوونەوەی سبەی پەرلەمان دوا بکەوێت".

ناوبراو وتیشی " پارتی پرۆژەی خۆی ئاراستەی حیزبەکان کرد. ( یەکەم جارە لەسەرەتای قەیرانەکەوە پارتی پرۆژە بەنوسراو پێشکەش دەکات).

هەورەها لە لە تەوەرەیەکی تردا وتی: هەندێک لەحیزبەکان داوایان کرد بگەڕێنەوە بۆ سەرکردایەتی حیزبەکانیان تا بڕیاری کۆتایی بدەین.

سەبارەت بە ئەنجامی کۆبوونەوەکە، د. فواد حسێن وتی: ئەم کۆبوونەوەیە سەرەتایەکی گرنگ و ئیجابی بوو، هاوکات درێژە دەکێشێت.