حكومەتی هەرێم قەرەبووی رۆژێكی پشوو دەكات‌و رۆژانی پشووی ئەم مانگەی بە بۆنەی نەورۆز‌و لەدایكبوونی مەلا مستەفا‌و یادی نەورۆز راگەیاند.

نوسینگەی سەفین دزەیی وتەبێژی حكومەتی هەرێم،  رایگەیاند: بەپێی یاسای پەرلە‌مانی هەرێمی كوردستان تایبەت بە رۆژانی پشووی فەرمی، سەرۆكایەتی ئەنجومەنی وەزیران رۆژانی پشووی مانگی ئادار ڕادەگەیەنێت، و  رۆژی یەكشەممە 6 ی ئادار پشووی فەرمییە لە بڕی ڕۆژی 5 ی ئادار، كە یادی ڕاپەرینە و دەكەوێتە شەممە.

هەر لەراگەیەنراوەكەدا هاتووە، كە رۆژی یەكشەممە 13ی ئادار پشووە لە بڕی رۆژی ڕاگەیاندنی رێككەوتنامەی 11 ی ئادار، كە دەكەوێتە رۆژی هەینی.

  هەروەها ڕۆژی دوو شەممە 14 ی ئادار پشووە بە بۆنەی لە دایكبوونی مەلا مستەفا بارزانی.
 
هەروەها رۆژی 20 تا 24 ی ئادار پشووی جەژنی نەورۆزە ، ئەم رۆژانەی ئاماژەیان پێدراوە، لە سەرجەم دام و دەزگاكانی حكومەت پشووی فەرمین.