هونەرمەند هەڵدێر محێدین یەكێك لە گۆرانییەكانی هونەرمەندی گەورەی كورد كەریم كابان نوێدەكاتەوە.
هەڵدێر لەڕێی تۆڕی كۆمەڵایەتی یوتوبەوە كلیپێك بۆ گۆرانیەكی هونەرمەندی كۆچكردوو كەریم كابان و بە دابەشكردنێكی نوێوە بە ناوی كابانەوە بڵاویدەكاتەوە.
ئەو دابەشكردنە نوێیەی بۆ بەرهەمەكە كراوە لەلایەن توانا خاڵە حەمرینەوە كاری بۆ كراوە، كلیپەكەش لە وێستگەی شەمەندەفەر لە شاری كەركوك وێنەگیراوە و بڕوا تەها كاری دەرهێنانی بۆ ئەنجامداوە.
هەڵدێر محێدین دوای بەشداری كردنی لە پرۆگرامێكی تایبەت بەهرەمەندان دەستی بە ئەنجامدانی كاری هونەری كردووە و چەند كلیپی ئەلبومێكی لەگەڵ ئاوازدانەر هەڵكەوت زاهیر بڵاوكردۆتەوە، بەڵام دواتر بۆ ماوەی چوار ساڵ لە كاری هونەری دابڕاوە دووبارە بە ستایلێكی نوێوە دەستی بە كاری هونەری كردۆتەوە.