وەزیری پلاندانانی عێراق ئاشکرای کرد، لە چەند ڕۆژی داهاتوودا، ئەنجامی لێکتێگەیشتنەکەی ئەم دواییەی نێوان هەرێمی کوردستان و حکوومەتی عێراق ئاشکرا دەکرێت.

سەلمان جومەیلی، وەزیری پلاندانانی عێراق، ئەمڕۆ شەممە 29\10، لە میانی وتەیەکیدا کە لە پانێڵەکەی زانکۆی ئەمریکی وتی: ”بەهۆی دابەزینی نرخی نەوتەوە، قەیرانی دارایی لە عێراقدا سەری هەڵداوە".

 جومەیلی ئاشکرایکرد " لە چەند ڕۆژی داهاتوودا، ئەو لێکتێگەیشتنانەی نێوان هەرێم و بەغدا گەڵاڵە کراوە بەرهەمیان دەبێت".

ناوبراو وتیشی ”خوێنڕژانی هاوبەش لە بەرەکانی شەڕ، دەبێت کاریگەریی ئەرێنی لەسەر گوزەرانی هاووڵاتییان هەبێت، بۆیە پێموایە کە بەرهەمی لێکتێگەیشتنەکان دەرکەوتن، هەندێک بارودۆخی خەڵکی باشتر دەبێت".