یەکگرتووی ئیسلامیی کوردستان ڕایگەیاند ڕووداوەکانی دوێنێی شیلادزێ ئیدانە دەکات و ڕاشیدەگەیەنێت بەرپرسیارێتی ئەو ڕووداوانە لە ئەستۆی حکومەتی هەرێم و حکومەتی فیدراڵییە.
مەڵبه‌ندى سێى یه‌كگرتووی ئیسلامیی کوردستان ڕایگەیاند "له‌كاتێكدا خه‌ڵكى كوردستان چاوه‌رێى ژیانێكى ئارام وبه‌خته‌وه‌ردان، دواى قه‌یرانێكى تۆند، دیسان ده‌ستوه‌ردان و زیاده‌روویى له‌سه‌ر سه‌روه‌ری عێراق وهه‌رێمى كوردستان فرۆكه جه‌نگییه‌كانى سوپاى توركیا ناوچه سنورییه‌كان له‌پارێزگاى دهۆك ده‌كاته ئامانج و هاوڵاتیانى سڤیل ده‌كاته قوربانى".
ئاماژە بەوەشکراوە "به‌رپرسیارى ئه‌م دۆخه و ئه‌ركى به‌دواداچوون و چاره‌سه‌ریه‌كه‌شى ده‌خاته ئه‌ستۆى حكومه‌تى ئیتیحادى وده‌سه‌ڵاتدارانى هه‌رێمى كوردستان".